ବିଶ୍ଳେଷଣ

ବିଶ୍ଳେଷଣ-୯

____________ ସନ୍ତୋଷ ଓଝା

ଏବେ ଶବ୍ଦର ଧୂଆଁ ବାଣରେ

ସମଗ୍ର ଆକାଶ କମ୍ପୁ ଥିଲା ବେଳେ

ଫାଟି ଗଲା ଆରବ ଆକାଶ

ଗଳି ପଡ଼ିଲେ ସୂର୍ଯ୍ୟ ।

ଫୁଟନ୍ତା ପାଣିରେ ଜଳଚର

ନିଆଁ ଚୂଲିରେ ସ୍ଥଳଚର

ଟିକିଏ ନିଶ୍ବାସ ପାଇଁ

ଆକ୍ତାମାକ୍ତା ପୃଥିବୀ 

ଟୋପାଏ ଜଳ ପାଇଁ

ଉଡ଼ି ଯାଉଛି ହଂସା ।

ଯେହେତୁ; ନଈଏବେ

ନର୍କ ପାଲଟିଛି

କାର୍ଖାନା ଧୂଆଁରେ ।

କିଏ ବୁଝୁଛି

ଟିକିଏ ଭୁଲ୍ ପାଇଁ

ଜାପାନ ପାଲଟି ଗଲା

ଫୁଟନ୍ତା ଖଇ ହାଣ୍ତି ।

ଏବେବି ସମୟ ଅଛି

ଆସ ସୁଧାରି ନେବା

ସବୁଜ ପୃଥିବୀ ଗଢ଼ିବା

ନୂଆ ଆକାଶ ଖୋଜିବା

ବଂଚିବା ପାଇଁ ବିଶ୍ବାସ ଲୋଡ଼ିବା ।

☮