ବିଶ୍ଳେଷଣ

ଥଣ୍ଟରେ ଆଧାର ଦେଖିଲେ

ମାଆ ଚଢ଼େଇର ,

କିଚିରିମିଚିରି କରି ଉଠନ୍ତି

ଶାବକ ,

ପର ତଳେ ଥଣ୍ଟ ଘସି

ସ୍ନେହ ମାଗନ୍ତି,

ଅଧିକାର ମାଗନ୍ତି ,

ଜଣେଇ ଥାନ୍ତି ପେଟର ଭୋକ ।

ଉଡ଼ି ଶିଖିଲା ପରେ

ସେଇ ଶାବକେ

ଭୁଲି ଯା'ନ୍ତି ମାଆ

ମାଆର ମମତା

ଏବଂ ସେଇ ନୀଡ଼,

ଏମିତିବି ଗଛ ଦିନେ

ଭାବି ଥିଲା, 

କେହି ନଫେରିଲେ

ଫେରିବ ମାଆଟି 

ଥମି ଗଲେ ଝଡ଼ ।

ଏଇମିତି କେହି ଫେରନ୍ତିନି

କଥା କହି ଶିଖିଲେ

ନିନ୍ଦା କରେ ପୁଅ

ମାତୃତ୍ବ, ପିତୃତ୍ବ,ବଂଶ ପରମ୍ପରା,

ଥୁଣ୍ଟା ଗଛ ଚାହିଁ ଥାଏ

ପକ୍ଷୀର ବାଟକୁ

ମାତୃତ୍ବ ତା' ବିଳାପ କରେ

ଖୋଜୁଥାଏ ଅପରାହ୍ନ ଖରା ।