ବିଶ୍ଳେଷଣ
ବିଶ୍ଳେଷଣ
1 min
225
ଜଗିଛି ଶାଗୁଣା, ମଡ଼
ଆଜି ବଡ଼ ଏକାଦଶୀ
ଯାଇବି ପାରୁନି ଛାଡ଼ି
ଝାମ୍ପି ନେବେ
ଶିଆଳ କୁକୁର କୁଆ
ବଡ଼ ଅବିଶ୍ବାସୀ ।
ମଡ଼ ପରେ ଥଣ୍ଟ ରଖି
ଶୋଇଲା ଶାଗୁଣା
ରାତିଟା ତ ପାହି ଗଲେ
କଟି ଯିବ ବ୍ରତ କଟକଣା ।
ରାତି ଅଧେ ଖୋଲି ଗଲା
ମୁଦା ଥଣ୍ଟ ତାର
କାମୁଡ଼ି ଧରିଲା ଶବ
କିଏ ଦେଖୁଛି ? ଘୋଟିଛି ଅନ୍ଧାର ।
ଅନ୍ଧାରରେ କିଏ କ'ଣ
ନକରୁଛି କେତେ,
ରାଜାଙ୍କ କ୍ଷୀର ପୋଖରୀ
ଜଳରେ ପୂର୍ଣ୍ଣ ଏଇ ମତେ ।
ଶାଗୁଣା ପାରୁନି ଜାଣି
ଅନ୍ଧାରରେ କୁକୁର ବି
ଖାଉ ଥାଇ ମଡ଼,
ରାତି ପାହିଲା ବେଳକୁ
ଶବ ନାହିଁ
ଖାଲି ମାଳ ମାଳ ହାଡ଼ ।
ଶାଗୁଣା ତ ଜଗି ଅଛି ମଡ଼ ।