ବିଶ୍ଳେଷଣ

ଲଙ୍ଗଳା ଶିଶୁକୁ ଦେଖି

ଲାଜ ଲାଗେ, ଯେତିକି ଯେତିକି

ଲଙ୍ଗୁଳି ଝିଅଙ୍କୁ ଦେଖିଲେ

ଆଖି ଲାଖେ ସେତିକି ସେତିକି

ପଚାରିଲେ - ଏ କି ରୂପ ?

କହନ୍ତି ସେମାନେ -

ବଧିବାକୁ ମହିଷାସୁର 

ଆସିଛୁ ଏସନେ ।

ଆମେ ପରା ସଭ୍ୟତା ବାହିକା

ସଂସ୍କୃତି ନାୟିକା

ଆମେ ଆଧୁନିକା ।

ଆମେ ସ୍ବର୍ଗର ଅପ୍ସରି

ଅନ୍ତବାସ କରିଅଛୁ

ମାଆ ପଣତକୁ ଚିରି ।

ଯଦି କେହି ନଦେଖିଲା ଜନ

କିବା ଲାଭ ରଖି

ଏ ସୁନ୍ଦର ଯୌବନ ?

ସୌନ୍ଦର୍ଯ୍ୟ ତ ଦେଖିବାର ପାଇଁ

ଦେଖେଇବାରେ ଲାଜ କାହିଁପାଇଁ ?

କର ଆମ ପୂଜା

ଲୋଡ଼ା ନାହିଁ ଲୋଡ଼ା ନାହିଁ

ଆଉ ଦଶଭୁଜା ।