ବିରହ

ଅସ୍ଥିରତା ଆଜି ମନ ଶରୀରକୁ

  କରି ଅଛି କବଳିତ

କେଉଁ ଉପାଖ୍ୟାନେ ବାଢି ଦେବି

  ହୃଦୟର ଗହଣା ସତ୍ୟ l

ତୁମ ବିନା ପ୍ରିୟା ସ୍ତମ୍ଭିତ ହେଉଛି

  ହୃଦୟର ଏ ସ୍ପନ୍ଦନ

ଯେତେ ଚାହିଁଲେ ବି ସାଉଁଟି ପାରୁନି

  ନୟନେ ଅକୁହା ସପନ l

ଫଗୁଣ ବି ଆଜି ଫିକା ଫିକା ଲାଗେ

 ଭ୍ରମର ଦିଗନ୍ତ ହରା

କେମିତି ସହିବି ଏ ବିରହ ଜ୍ୱାଳା

  ତୁମ ଉପହାର ପରା l

ପ୍ରେମ ବଦଳେ ଘୃଣାର ବୀଜ ଦେଲ

  ମାଗିଥିଲି ଟିକେ ସୁନେଲି ସପନ

  ବୈଶାଖ ର ଝାଂଜି ଦେଲ l

ରୌଦ୍ରର ନିଦାଘ ତାପରେ

  ଯନ୍ତ୍ରଣା ଜର୍ଜରିତ

ବଞ୍ଚିବାର ସାହାରା ଟିକକ

    ମାଗେ ଆଜି ଯୋଡି ହସ୍ତ l

ଚାତକ ଯେସନେ ଚାହିଁ ଥାଏ

   ବରଷାକୁ

ସେହିପରି ଚାହିଁଛି ମୁଁ

   ତୁମ ଫେରିବା ପଥକୁ l

ଜାଣେନା ମୋର ଏ ଆଶା

  ସ୍ୱପ୍ନ ନା ବାସ୍ତବତା

ତଥାପି ଅପେକ୍ଷା ରତ

 ତୁମ ବିନା ଜୀବନ ଅପୂର୍ଣ୍ଣତା  l