ବାତ୍ୟା
ବାତ୍ୟା
ଦାନା ବାନ୍ଧୁଅଛି ଆଉଏକ ବାତ୍ୟା
ନାମଟି ତାହାର ଆସାନି
ବଙ୍ଗୋପସାଗରୁ ମାଡ଼ି ଆସୁଅଛି
ନିକୋବର ଦ୍ଵୀପୁ ହୋଇ ବାହାର ।
ଗତିପଥ ତାର ଜଣାପଡୁ ନାହିଁ
ପାଣିପାଗ ବିଭାଗ ବେହାଲ୍
ଦୂରଦର୍ଶନେ ପ୍ରଚାର କଲେଣି
ଜନତା ହୁଏ ସାବଧାନ ।
ଓଡ଼ିଶାକୁ ଭାବି ନିଜ ମାମୁଁଘର
ବାତ୍ୟା ଆସେ ନିତି ମାଡି
ପ୍ରତିବର୍ଷ ଆସି ଓଡ଼ିଶାରେ ପଶି
ଭାଙ୍ଗିଦିଏ ସବୁ ହସଖୁସି ।
ବାତ୍ୟା ଆସୁଅଛି ବଙ୍ଗୋପ ବକ୍ଷରୁ
ଦାରୁଣର ଦୁଃଖ ନେଇ ଭେଟି
ଓଡ଼ିଶାରେ ଦେଇ ବାତ୍ୟା ନିଜ ଭେଟି
ଚାଲିଯିବ ବଙ୍ଗରାଜ୍ୟ ହସି ହସି ।
ଉଜାଡିଦେବ ଚାଷକ୍ଷେତ୍ର ବାତ୍ୟା
ଚାଷୀ ହେବେ ହନ୍ତସନ୍ତ
ବୃକ୍ଷ ତରୁଲତା ଉତ୍ପାଟନ କରି
ଜଙ୍ଗଲ ର କରିବ ସର୍ବନାଶ ।
ଅଶାନ୍ତ ହେଉଛି ସାଗର ତଟ
ପବନ ର ବେଗ ଯାଏ ବଢ଼ି
ଲଘୁଚାପ ଯୋଗୁଁ ବାଦଲ ଘୋଟିଛି
କଳା ଆସ୍ତାରଣ ଢାକୁଣୀ ଧରି ।
ବିଜୁଳି ଖୁଣ୍ଟକୁ ଟଲାଇ ଦେବ ସେ
ଅନ୍ଧାରରେ କଟିବ ରାତ୍ରି
ତେଣୁ ମହମବତୀ ଆଣିଛି
ତାସଙ୍ଗେ ପୁଣି ଦିଆସିଲି ।
ଓଡ଼ିଶା ରାଇଜେ କୋରନା ମାତିଛି
କୋକୁଆ ରୂପେ ଅବତରି
ମୁଖ୍ୟମନ୍ତ୍ରୀଙ୍କର ରଣନୀତି ଦେଖି
ଆସାନୀ ଯିବ କି ପଳାଇ ।