ଅକୁହା କଥା

ଦୁଇ ଦିନିଆ ଜୀବନର ଭରସା ନାହିଁ

କିଏ ଆସେ କିଏ ଯାଏ ଠିକଣା ବି ନାହିଁ,

ଜୀବନ ବଞ୍ଚିବାକୁ ହେବ ଏଠି ସବୁକିଛି ସାଥିରେ ନେଇ

କିନ୍ତୁ କେବେ କେବେ ଆଗେଇଯାଏ ସବୁକିଛି ଛାଡ଼ି ଦେଇ।।

କାହିଁକି କେମିତି ତାର କାରଣ କେବେ ଖୋଜିନାହିଁ

ଉତ୍ତର ବି କାହାଠୁ ଆଣିବି ବୁଝିପାରେନାହିଁ ,

କିଛି ଭାବନା କିଛି ଆଶା ଆଉ କିଛି ସ୍ବପ୍ନକୁ ନେଇ

ହତବାକ୍ ହୋଇ ସେହି ସ୍ଥାନେ ସ୍ଥିର ମୁଁ ଯେ କାହିଁ ।।

ଆଶାର ଦୀପାଳି ଖୁସିର ମରୀଚିକା ପଛେ ଧାଇଁ ଧାଇଁ ସ୍ତବଧ

ଏଇ ମନ କାହିଁକି କେଜାଣି ଏତେ ଯେ ନିର୍ବୋଧ,

ଜୀବନ ମରୁଭୂମିରେ ତୃଷା କଥା କିଏ ଯେ ଭାବୁଛି

କାହିଁ କେତେ ଦୂରେ ମରୁଦ୍ୟାନଟିକୁ ଛାଡ଼ି ଯେ ଆସିଛି।।

ଉଷ୍ଣ ବାଲିରେ ଚାଲି ଚାଲି ପାଦର ଛାଲ ମଳିନ ହେଲାଣି

ମଲମର ଆଶା କାହିଁ କେଉଁକାଳୁ ଭୁଲି ମୁଁ ଗଲିଣି,

ଦୁଇ ଧାର ଲୁହର ଶୀତଳତା ଆଉ ସେ ପ୍ରତିହତ ହୃଦୟର ବ୍ୟଥା

ଟିକେ ବହିଯାଇ କହିପାରନ୍ତେ କି ମୋ ମନର ସେହି ଅକୁହା କଥା ।।