ଅଭୁଲା ସ୍ମୃତି

ପ୍ରେମ ଥିଲା ମୋର ଅଳପ ଦିନର

ଦେଖିଥିଲି କେତେ ସ୍ୱପ୍ନ 

ଚାଲିଗଲା ସିଏ ଆଉ କା ସାଥିରେ 

ଭାଙ୍ଗିଦେଇ ମୋର ମନ ।।

ବିରହରେ ତାର ପାଉଛି ଯନ୍ତ୍ରଣା 

ଛାତିରେ ଲୁଚାଇ କୋହ 

ଦିନ ବିତିଯାଏ ରାତି କଟିଯାଏ

ସରେନା ଆଖିରୁ ଲୁହ ।।

ଅତୀତର ସବୁ ସାଇତା ସ୍ମୃତିକୁ

ଭୁଲି ନ ପାରଇ କାହିଁ 

ସରି ସରି ଯାଏ ଜୀବନ ଆୟୁଷ 

ବାଟ ତାର ଚାହିଁ ଚାହିଁ ।।

ଅଭୁଲା ସ୍ମୃତି ସବୁ ମନେ ପଡିଯାଇ 

ଯାଏ ମୁଁ ଲୁହରେ ଭିଜି 

ଛାଡିବାର ମୋତେ ଗୋଟିଏ କାରଣ

ନ ପାଅଇ ମୁହିଁ ଖୋଜି ।।

ନ ପାଅଇ ଆଉ ବଞ୍ଚିବାର ସୂତ୍ର

ନାହିଁ ଆଉ କିଛି ମୋହ 

କେମିତି ବଞ୍ଚିବି ବାକି ଜୀବନଟା 

ସାଥି ବିନା କେହି କୁହ ।। 

ଭାଳଇ ଆଜି ମୁଁ ମନେ ମନେ ଖାଲି 

ଭୁଲ ଥିଲା କଣ ମୋର ?

ପ୍ରେମରେ ରହିଲା କେଉଁଠି ମୋ ଊଣା

କଲା ମୋତେ ସାତ ପର ।।