ଆସ ଗଢିବା ସବୁଜ ପୃଥିବୀ

ମୋ ଆଖି ସହ ଆଖି ମିଶାଇ ଗଢିଛ ପ୍ରେମର ପାହାଚ ।

ମୋ ହଁରେ ହଁ ଭରି ସବୁ କିଛି କରିଥିଲ ତୁଚ୍ଛ ।

ମୋ ପାଦରେ ପାଦ ମିଳାଇ ଚାଲିଅଛ ଅନେକ ବାଟ ।

ବାଟ କେବେ ସରିଯାଏ ଜାଣିବାକୁ କରିନ ପ୍ରୟାସ ।

ତୁମ ମୋ ଭିତରେ ଅତୁଟ ବିଶ୍ବାସ ।

ନା ମୁଁ ଦେଖିଛି ନା ତୁମେ ଦେଖିଛ ।

ନା ମୁଁ ମାପିଛି ନା ତୁମେ ମାପିଛ ।

ବିଶ୍ୱାସର ପରିଧି, ପରିସୀମା, ଦୈର୍ଘ୍ୟ ଅବା ପ୍ରସ୍ଥ ।

ଆସ ଆଉଥରେ ।

ମୋ ହାତରେ ହାତ ମିଶାଇ ।

ପୋତିଦେବା ମଞ୍ଜି ଅନେକ ।

ସବୁଜିମା ବୃକ୍ଷରାଜିରେ ସୁଶୋଭିତ ।

ଏ ଧରଣୀ ବାଣ୍ଟୁଥିବ ପ୍ରେମର ମହକ ।