ଆକୁଳତା

ତୁମର ସେହି ଯାଦୁଗରୀ ଖେଳ ରେ

ଯେମିତି ଓଡିଶାବାସୀ ହାରି ନ ଯାନ୍ତି!

ଏକ ସୂକ୍ଷ୍ମ ଆଲୋକ ଅନ୍ତରାଳେ

ସମଗ୍ର ପୃଥିବୀକୁ ଆଲୋକିତ କର |

ମହାମାରୀ ପ୍ରପୀଡ଼ିତ ପ୍ରତ୍ୟେକ ମନୁଷ୍ୟଙ୍କୁ ମୁକ୍ତି ମୃଣ୍ମୟ କର,

ଅହଙ୍କାରୀ କରୋନା ଟା

ସବୁରି ଜୀବନୁ ଅପସରି ଯାଉ |

ମନ ଖୋଲି ହସୁ ଏ ପୃଥିବୀ ନୂତନ ରୂପରେଖ ନେଇ,

ଶ୍ରୀକ୍ଷେତ୍ର ଉଛୁଳି ଉଠୁ ଭକ୍ତ ର ଭାବାବେଗ ରେ,

ନିଃସର୍ଗ ପ୍ରେମ ରେ, ଆକୁଳ ଆବେଦନ ରେ |

ସମସ୍ତ ଘାତ ପ୍ରତିଘାତ ର ଅନ୍ତ ହେଉ,

ସୁଖ ମୁଗ୍ଧ ର ପରିସର ମଧ୍ୟରେ ନିରୋଗତା ଭରିଯାଉ,

ଆଶଙ୍କା ରେ ଛଟପଟ ହେଉଥିବା ଜନଜୀବନର ଦୁର୍ଦ୍ଦଶା ଦୂର ହେଉ,

ସବୁରି ହୃଦୟରୁ ଦୁଃଖ ର କଳାବାଦଲ ଅପସରି ଯାଉ |

ହେ ବିଶ୍ୱକାରିଗର!

ଆଉ ବିଳମ୍ବ କରନି, ସବୁ ହୃଦୟକୁ ସିକ୍ତକର,

ସକଳ ବାସନା ପୂର୍ଣ୍ଣ କର ତୁମ ଅମୃତ ପ୍ରେମ ସମ୍ଭାଷଣେ ll