गुरुपौर्णिमा
गुरुपौर्णिमा
आदरणीय गुरुवर्य
दंडवत प्रणाम
सर्वप्रथम आपणास गुरुपौर्णिमेच्या खूप खूप शुभेच्छा
सर, आज मला माझ्या नेहरू हायस्कूल शाळेचा खूप आभिमान वाटतो . मला माझी शाळा दिसली की मी आजही शाळेला वंदन करते .
सर्व शिक्षकांचे मला अनमोल मार्गदर्शन लाभले . त्यामुळे माझी पुढील वाटचाल खूप सुंदर बनली .
सर्व शिक्षकांनी मज
दिले ज्ञानाचे भांडार l
कामी सर्व शिक्षण आज
लेखणीला टोकदार धार l
तुम्ही स्वतः चंदनासारखे झिजून आमच्या आयुष्याला जे वळण दिले . आम्ही शाळेत आलो तेंव्हा मातीचा गोळा होतो . तुम्ही आम्हाला ज्ञानाचे भांडार देऊन मातीच्या गोळ्याला आकार देऊन सुंदर घडा बनवले .
मातृ देवो भव पितृ देवो भव वेदांनी आरंभीच केला गौरव . परंतु तुम्ही आम्हाला लहानपणी चांगले संस्कार दिले .
आमच्या शिरी होता
तुमचा वरदहस्त l
आयुष्य आमचे बनले
सुंदरच मस्त l
आम्हाला ज्ञान देताना तुम्ही काहीच राखून ठेवले नाही . सढळ हाताने भरभरून ज्ञान दिले . आमच्या आयुष्यातील आम्हाला लाभलेले आतापर्यंतचे गुरूजणवर्ग दिसला की आताही आमचा माथा त्यांच्यापुढे नम्रतेने झुकतो .आज गुरुपौर्णिमेच्या दिवसानिमित्त मी माझ्या शब्दरुपी भावना थोडक्यात मांडल्या त्याचा स्वीकार करावा .