व्यक्त होताना

उगाचच हसून दाखवलं जातं

सगळ्यांमधे बसून असताना

कोणीच समोर नसतं

डोळे पाणावताना

     दूर दूर धावत रहाते

     विचारांची रेषा

     व्यक्त करायला तेव्हा

     सापडत नाही भाषा

हे असंच चालायचं.....

हे असंच चालायचं 

म्हणून स्वत:ला समजावताना

मी खूप शूर आहे भासवताना

मनातल्या सशाला दडवताना

तारांबळ उडते ख-या भावना लपवताना

     मग......

     व्यक्त होऊ द्या त्यांना

     वाट फुटेल तशा

     कोंडून ठेवाल तर

     वणवणाल दाही दिशा

     पण मिळणार नाही विसावा

     म्हणून.....

     बोला, बोलत रहा

     मी आणि तू पेक्षा

     आपण व्हा

मग कळेल.....

जग खूप सुंदर आहे

आपण व्यक्त आहोत

तर सगळेच आहेत

अव्यक्ताचं रहस्य शोधण्यापेक्षा

व्यक्ततेत समाधान आहे

व्यक्ततेतच सुख आहे