ती.......

ती भेटते…..

आईच्या वत्सल स्पर्शातून…..

आजीच्या मऊ- उबदार गोधडीतून…..

बहिणीच्या अवखळ प्रेमातून…..

काकू-मामी-मावशी- आत्याच्या कौतुक भरल्या नजरेतून…..

वहिनीच्या आश्वासक शब्दातून……

नणंदेच्या स्नेहल पाठिंब्यातून…..

जावेच्या निर्मळ मनातून…..

मैत्रिणीच्या नि:शब्द साथीतून…..

सासूच्या खंबीर आधारातून.....

लेकीच्या लडिवाळ मिठीतून.....

सुनेच्या प्रेमळ मार्दवातून......

ती…..

ती भेटते…..

समईच्या स्निग्ध प्रकाशातून…..

पणतीच्या मिणमिणत्या उजेडातून…..

निरांजनाच्या फडफडत्या ज्योतीतून…..

दिवटी-मशालीच्या लख्ख ज्वाळेतून…..

ती…..

ती भेटते विविध रूपातून…..

लक्ष्मीच्या लखलखत्या तेजातून…..

सरस्वतीच्या मंद, शांत वीणेतून…..

दुर्गेच्या रौद्र हुंकारातून…..

ती…..

जगत्जननी…..जगदात्री…आदिमाया….. आदिशक्ती .….

तिला त्रिवार वंदन