घनःश्याम श्रावण

श्यामवर्ण घन नभी ते आले

घनःश्याम रुप मजला गमले

रिमझिम संतत पाऊस येतो 

तवकृपेचा वर्षाव जणू होतो

तृणपाती हिरवी मखमाली

नाजूक रंगीत फुले उमलली

जलबिंदूंचे वर जडले मोती 

मोरमुगुट तव वाटे चित्ती

बघे सूर्यबिंब ढगाआडूनी

केशर पिवळे ऊन लेऊनी

सोनरुपेरी हे नभांगण दिसे

तव पितांबर मज तो भासे 

कोकीळ करीते मंजूळ कुजन

मुरलीचे तव मधूर गुंजन

थंडगार हा चंचल समिरण

तव नुपुरांची वाटे रूणझुण

अल्लड हा निर्झर खळखळ

वाहून नेई शामवर्ण जळ

उडती स्वैर वाऱ्याने कोमल

कुरळे कुरळे तव ते कुंतल

आला श्रावण आला श्रावण

इंद्रधनुचे आकाशी तोरण

मेघश्यामा तुझ्या स्वागता 

सज्ज जाहली धरती माता,