स्वार्थी

एक बाजू मनाला पटणारी असते

एक डोक्याला खटकणारी असते

याच संभ्रमात आयुष्य साऱ्यांचं फसते

चुका स्वीकारायला लागते हिंमत

खोट्या आयुष्याची हिच तर गंमत

स्वसुख प्रिय ज्याला, कळेना दुसऱ्याच्या वेदना

स्वार्थाची कधीच मेलेली असते संवेदना

भावनांची तडजोड तर जमेना त्यांना

तोडण्याचा गुन्हा ते करे पुन्हा पुन्हा

नकारात्मकतेचा दृष्टीकोन ते डोळ्यावर बांधतात

आपल्याच माणसांना मग तराजूत तोलतात