सोहळा विठुरायाचा

गजर हरिनामाचा सोहळा विठुरायाचा

जय हरि विठ्ठल श्री हरि विठ्ठल

आषाढी कार्तिकी जावे पंढरीच्या वारी

टाळ मृदूंगाचा नाद वाजे भीमेच्या तीरी

जन्मभरीचा श्वास ध्यास विठ्ठलाचा

गजर हरिनामाचा सोहळा विठुरायाचा

जय हरि विठ्ठल श्री हरि विठ्ठल

गळ्यात तुळशीची माळ

मुखात अभंगाची ओळ

कपाळी अबीराचा टिळा

जमला वैष्णवांचा मेळा

गजर हरिनामाचा सोहळा विठुरायाचा

जय हरि विठ्ठल श्री हरि विठ्ठल

दिंडी चालली देवाजीच्या दारी

भक्ती जगली माणसाच्या उरी

घेऊनी आलो संचिताची शिदोरी

म्हणुनी जाहलो तुझा वारकरी

गजर हरिनामाचा सोहळा विठुरायाचा

जय हरि विठ्ठल श्री हरि विठ्ठल

खेळ चालला द्वैत अद्वैताचा

क्षय जाहला आस वासनांचा

चिरंजीव राहो जयघोष हरिनामाचा

गजर हरिनामाचा सोहळा विठुरायाचा

जय हरि विठ्ठल श्री हरि विठ्ठल