श्रीकृष्णा

     वाट पाहे राधा रमणी ,

     कोठे गुंतला आज हरी ?

     चैन न तुझ्या विना ,

    श्रीकृष्णा धाव लवकरी...१

     गोपगोपिका जमल्या ,

     सा-या येथे वृंदावनी ,

     रास रचिला आवडी ,

     सय तुझी दाटे मनी..!.२

     सूर बासुरीचे श्रवण्या ,

    अधिर गोकुळ नगरी ,

    धेनू वनी बघ हंबरुनी ,

    नाद पोहचला अंभरी..!!.३

    यमुनाजल उसळी घेऊनी ,

    पहाते तुज वरचेवरी ,

    वृक्ष लता, वेली डोलूनी ,

    फांद्या पसरती भूवरी..! ४

    नभांगणी दिनकर,

    स्तब्ध दिसे पळभर,

    दर्शन घेण्या थबकला ,

    बघ सृष्टीचा प्राणेश्वर..!!