शीर्षक पाऊस आला बरसबरसूनी

 ग्रीष्मातील काहिली शमवूनी 

वैशाखाचा वणवा विझवूनी

 नभी मेघावरी स्वार होऊनी 

पाऊस आला बरसबरसूनी l

सवेत अत्तर कुपी घेऊनी

 वसुंधरेच्या तनुवर शिंपूनी

 श्वासात अलवार मृदगंध भरुनी

 पाऊस आला बरसबरसूनी l

 पाझरणारे कुंभ घेऊनी

 सप्तरंगी त्या कमानी खालूनी

 इंद्रधनुचा खेळखेळूनी 

पाऊस आला बरसबरसूनी l 

थेंब टपोर मोती होऊनी

 पानोपानी नक्षी कोरुनी

 फुलाफुलांचा मंडप सजवूनी

 पाऊस आला बरसबरसूनी l 

अवघी सृष्टी पांचूची करुनी

 गर्भात तिच्या अंकुर रुजवूनी

 मयुरा पायी चाळ बांधूनी

 पाऊस आला बरसबरसूनी l 

ऋतू हिरवा ऋतू बरवा करुनी 

 सृष्टीचे जणूं कोलाज बनूनी 

तनामनासी चिंब भिजवूनी

 पाऊस आला बरसबरसूनी 

पाऊस आला बरसबरसूनी l