रड रे जरा

रडण्याने मन रितं होतं

दुखः जरासं फिकं होतं

हसण्याने लाख लोक जिंकले तरी

रडण्याने स्वतःला जिंकता येतं

कधी कधी हसनं ही

मनाची मजबूरी बनतं

पण फूल आहे म्हंटल्यावर

मनाचं फुलनं जरूरी असतं

कोंडल्या हुंदक्यांना

वाट जरा मिळूदे

स्वातंत्र्य काय असतं

त्यांना पण कळूदे

वाहूदे पुर आता

पापण्यांना न्हावू दे

नयनांसवे भावनांना 

भिजतांना पाहूदे

रडणं कमजोरी नाही रे

क्रिया आहे निसर्गाची

अश्रूधार वाहूदे ना

खुशी किंवा विरहाची