फुलहार वाहिले

माझ्याच देहाला मी

जळताना पाहिले

माझ्याच चितेवरती

फुलहार वाहिले

चितेवरतीजळत होता

अहंकार माझा

चितेवरती जळत होता

द्वेष मत्सर माझा

अहंकाराची राख

होताना मी पाहिले

द्वेष मत्सर अंगारावर

पोळताना मी पाहिले

चितेवरती जळत होता

लोभ माझा

जळतानाही

अभय मागत होता

क्रूरतेचा धूर झाला होता

त्या धुरातही

विनाश मागत होता

लोभी मनाला देहदान

करताना मी पाहीले

क्रूरतेला स्थीर शांत

होताना मी पाहीले

अज्ञान माझे अग्नीज्वाळांशी

खेळ खेळत होते

चंचलता विचलित होवून

आकाशाकडे झेप घेत होते

अज्ञानाला प्रज्ञावान

होताना मी पाहिले

चंचलतेला स्थिर

होताना मी पाहिले.