ओढ पावसाची

उन्हाची झळ लागता

धरणीस दुभंगती तडे

ओलाव्यास व्याकुळ होऊनी

वाट पाहती उंच कडे••••१

श्रम न करताही आज

घामाच्या ओझरती धारा

निष्पर्ण सुकले उभे तरू

न वाहे झुळूक न मंद वारा••••२

टिपण्या दाणा गेली चिऊ

आली रिक्तहस्ते माघारी

भूक न साहे इवली पिल्ले

मातेला चिवचिवून चोच मारी•••३

 घर असे मर्कटाचे तरुवर

पानगळतीने बेघर झाला

कुणी न देई त्यास आसरा

जो तो स्वसंसारी गुंतला••••४

झाडे, पशु, पक्षी, मानवा

लागे ओढ पावसाची

उशीर नको घे धाव झडकरी

बघ दीन दशा अवनीची••••५