ओढ पावसाची

ओढ तुझी  

मातीच्या कणाकणाला  

सुकलेली नदी अन 

 अन्नदात्याच्यामनाला | 

तुझ्या सरी येता भुईवर 

तृण तृण उजळते

 थेंबा थेंबाची धुन 

कवी मनी गाणे गाते |

तुझ्या पहिल्या सरीने 

वाही अत्तराचा वारा 

पक्षी होई बेभान 

नृत्य करी मयूर फुलवीत पिसारा | 

तुझा स्पर्श होता 

सृष्टी हिरवळीने न्हाई 

नदी माय माझी 

लेकरा सुखवीत जाई |

 

तुझ्या अमृताची गोडी

 सजीवांचे जीवन 

साथीने तुझ्या बळीराजा 

फुलवितो रान |

 

तुझ्या मायेचा झरा 

दऱ्याखोऱ्यातून वाही 

इंद्रधनू करी रंगांची उधळण 

सृष्टीचा स्वर्ग होई |