ओढ पावसाची

*पाहे चातक वाट ही पावसाची* 

 *मनाही ओढ लागे ही जणू तयाची...* 

 *कोसळतील धारा कधी अवनीवरती* 

 *दा टून येती भावना अलवार किती...* 

 *तृप्त होई मन पाहून या नभी* 

 *मेघ जमती आकाशी घेऊन जलधी...* 

 *ओढ जिवाला लागे ही कैसी* 

 *सखा भेटीची आस लागे जीवाला ऐसी...* 

 *धुंद करी मनाला हा गारवा* 

 *भिरभिरे जसा वाऱ्यावर हा पारवा..* 

 *हुरहूर लागे कधी बरसेल या सरी* 

 *जीवाची काहिली होता मेघ दाटती अंबरी....* 

 *थेंब टपोरी झेलती ही अवनी* 

 *नयनरम्य दृश्य पाहुनी नयन जाते मोहूनी...* 

 *लागे ओढ पावसाची बळी राजास ही* 

 *नजर त्याची रोखून पाहते नभासही....* 

 *सृष्टी ही भेटाया आतुर झाली जलासही* 

 *कधी बरसेल जलबिंदू बनुनी मोती ही....* 

 *चराचरात आनंद बहरेल पर्जन्याच्या आगमनानी* 

 *गगनात मावे ना आनंद हा*ऋतूच्या स्पर्शानी....* 

 *हर्ष आला जीवनी बहरता ही*अवनी* 

 *ओढ पावसाची लागता सुखावते ही धरणी....*