महिला दिन विशेष

तिच्या स्त्रीत्वाची कहाणी

काय म्हणुनी मांडावी

स्त्रीने स्वतःला कुंपण

काय म्हणुनी घालावी

माता बनुनी बाळाला

जीवापाड प्रेम द्यावं

मोठा होताच बाळाने

सारे विसरुनी जावं

धागा मायेचा बांधुनी

रूप बहिणीचं शोधे

आईचंच प्रतिबिंब

असे बहिणीच्या मध्ये

दिल्या घरी सुखी राहा

लेक परक्याचं धन

पत्नीरूपी स्त्री फुलवी

घरदार नि अंगण

अशी लक्ष्मी रूपे स्त्रीची

देवी समान रहाणी

लागे कशाला सांगावी

तिच्या स्त्रीत्वाची कहाणी

पतिव्रता सीतामाई

गेली परिक्षे सामोरी

कधी बंद होती अशा

प्रथा अन्यायी अघोरी

रस्त्यावर वासनांध

डोळे भुकेले व्याकुळ

दुर्गा काली बनुनिया

करा विनाश समूळ