मानव

शांत जरी मी, आत कोठेतरी अंगार आहे

झाकलेली वेदना, अंतरात्मा जाळत आहे ---

असेन सामान्य, पण शेवटी मनुष्य आहे

भावनांचा ह्या, सन्मान करीत जगत आहे ---

तो निराळा, मी निराळा तरी भाऊबंद आहे

थोडे आधिक, थोडे उणे हे सर्वमान्य आहे ---

वेदनांच्या भावनांचा, उद्रेक होणार आहे

माणूस आहे, माणसासम वागणार आहे ---

असेन कदाचित, चित्रपटातील मोहरा 

मागच्या गर्दितही, हि कला दिसणार आहे ---

म्हणतात असे कि जळी, स्थळी ईश्वर आहे

सर्वत्र जाणवणारा, फक्त हा मानव आहे ---

त्याच्या उत्स्फूर्त भावना, वेदना अन कल्पना 

ह्या जगाला असे सतत पुढे नेणार आहे ---