माणुसकीचा रंग

विखुरलेल्या माणसास,

एकतेची कास हवी.

माणसात माणूस पेरण्यास,

मज तुझी साथ हवी.

आता कोणतेच रंग न सोडले,

याच जातिवंत क्रूर माणसाने,

अनेकांच्या मनी मस्तकी पेरले,

निळे,हिरवे,भगवे,याच माणसाने.

अग सखे आज तू सांग गं ,

माणसास रंग देऊ कोणता!

मी कसं सांगू हो तुम्हाला?

येथे कोणताच रंग उरला !

माणसातल्या जातीच्या भिंतीला,

आता आपणच दोघेच रंगवूया.

सखे,माणसातल्या माणसाला,

आज माणुसकीचा रंग देऊया.