माझा गणराया

कार्यारंभी तुझे I प्रथम नमन II

करता स्मरण I विघ्नजाती II १ II

जय गौरी हरा I पार्वती कुमरा II

ऋद्धी सिद्धी वरा I गजानना II २ II

मूषक वाहन I मोदक आवडी II

स्मरता तातडी I कृपा करी II ३ II

सर्वांगी शोभते I उटी शेंदुराची II

शोभा मुकुटाची II माथी तुझ्या II ४ II

मुक्ताफळांची रे I शोभे कंठी माळ II

देवा तू बल्लाळ I एकदंता II ५ II

रूप तुझे सदा I स्मरतो मी चित्ती II

नाही मज भीती I संकटाची II ६ II

तुज आवडी रे I दुर्वा, आघाड्याची II

तुज आणण्याची I झाली घाई II ७ II