कविता
कविता
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
120
कविता, कणकेच्या लाटी सारखी
साकारत जाते मनाच्या पोळपाटावर
शब्दांची पीठी लावत,
भावनांची दुमड घालून
साजिरं रूप घेते
अनुभवी लाटण्याच्या
हलकेच फिरण्याने...
कुठेच फाटू न देता,
चिकटू न देता
तिला अलगद टाकायचं
रसिकांच्या तप्त तव्यावर
रसिक शेकून घेतील दोन्ही बाजूने
आपण सोडून द्यायचं तिला
धगधगत्या ज्वाळेत...
टम्म फुगून येईल
फुलक्यासारखी
आपली कविता !