कोरोना

कंटाळा आला कंटाळा आला        

असं कशाला म्हणायचं?       

खातपित मस्त मजेत            

छंद जोपासत जगायचं !         

विसरलो होतो आपण सारे         

आपले मूळ संस्कृती व संस्कार     

धडा शिकवायलाच जणू       

कोरोनाने घेतला असा अवतार!      

परोपकाराची लपलेली जाणीव      

खोल सांदीत होती मनात      

उपकार भावना न ठेवता         

सद्गुणांची झाली बरसात !        

गरिबांच्या सुखदुःखाची तर       

कधी नाही केली कुणी मोजणी      

कोरोनाच शिकवू लागला      

करवून घेऊन धुणं आणि भांडी !      

खरे सार्थकी जीवन जगण्याची      

आता खरी आली आहे वेळ       

तुम्हीच कंटाळा न येता साधा      

त्याचा योग्य असा ताळमेळ !!