कलावंतीण आयुष्याची

हातात तुझ्या जादू ही न्यारी

वर्णू किती कौतुक तुझे गं नारी

हाताला तुझ्या चव अशी की

मन सार्‍यांचे तू तृप्त करी

दारात रेखिते सुंदर रांगोळी

बघून पसरते प्रसन्न लहरी

विणकाम असो वा शिवणकाम

कलेची जादू तुझ्या हातात भारी

रंगरंगोटी, कलाकुसर करतेस सुरेख

जन्मताच आहे तुझ्यात कलेची शिदोरी 

लागताच हात तुझ्या कलेचा 

निर्जीव वस्तूही भासे लय भारी

कलावंतीण तू आयुष्याची

तुझ्याविना रंगहीन दुनिया सारी

घर सजवितेस कल्पकतेने

बघता दरवळे आनंद अंतरी

कलेची तू राणी, कल्पकतेची देवी

अशीच कला तुझ्यात असो जन्मो जन्मांतरी

वर्णू किती महिमा तुझ्या कलेचा 

तू या सृष्टीची आहेस राणी