काळ्या मेघांची झालर
काळ्या मेघांची झालर
1 min
11.7K
निळ्याशार अंबरी, काळ्या मेघांची झालर,
आल्या सरीवर सरी, नाचे थेंब भुमिवरी।। १।।
गोड कोकिळेची साद, डोलणार्या पानो-पानी,
गंध मातीचा आगळा, दरवळे रानो-रानी।। २।।
शुभ्र मोत्यांचा वर्षाव, चींब झाली पाखरं,
सुंदर त्या पंखावरी,आली नविन झालरं।। ३।।
वारा थबकुनि पाहे, टप-टप पानो-पानी,
पिंजारुनि हा पिसारा, नाचे मोर रानो-रानी।। ४।।
काळ्याभोर मातीतली, चिंब ओली पायवाट,
ल्याली हिरवा शालू, करी लटकाचं थाट।। ५।।