जय जय शिवराय

दरीदरीतून नाद घुमतो 

हर हर महादेव

सह्याद्रीचे कडे गर्जती 

जय जय शिवराय॥धृ॥

स्वातंत्र्यास्तव लाख अर्पिल्या

 लाख इथे माना

स्वराज्यास्तव मरण जिंकिती

हाच मराठी बाणा॥1॥

शिवपुत्रांनो शिवराज्यास्तव

 एक होऊ या सगळे

जातीभेद विसरूनी होऊ

 एक शिवमावळे॥2॥

मरहट्टा बनुनी सारे 

जिंकु उच्चपदगड

चल मावळ्या सन्मानाने 

 अधिकारीपदी चढ॥3॥

शिवछावा होऊनी नव

झेप घेऊ या सारी

शिवचरित्र पारायणे

 करूया घरोघरी॥4॥

शिवविचारांचा दिवा 

पेटवू या मनी

शिवनीतीने जीवन घडवु

आपण क्षणोक्षणी॥5॥

शिवसूर्याची विचारज्वाला

पसरवू जगात

शिवप्रेरणामूर्ती बसवू

आपल्या हृदयात॥6॥