गोरी शाई

काळ्या रंगाने घात केला

 आपल्यांनीच उतपात केला

    सारी दुनिया विरोधी झाली

        तेव्हा मनानंच साथ दिला

मला नेहमी तोललं गेलं

  काटेरी नजरेने झेललं गेलं

    नसते नुस्के सांगण्यात आले

     चांगले विचार टांगण्यात आले

उन्हात अशी जाऊ नको

  पावडर वीना राहू नको

    हळद लाव व हळद खा

        मग हळदीची जादू पहा

मन तेव्हा दुखत होतं

  चूक काय ते कळत नव्हतं

    गोरं नाही आपली चुक आहे

       मनाला मात्र पटत नव्हतं

जिद्द नसती उरी तर 

   गड तू जिंकलाच नसता

     शाई गोरी असती तर 

       कोरा कागद रंगलाच नसता