गणपति बाप्पा

(ग)जमुखा तू शंकर गौरी च्या मुला

(जा)स्वन्दीचे लाल फुल अतिप्रिय रे तुला ||

(न)म्रता ही वसे, तुझ्या अंतरी

(ना)रद ही तुजवर स्तोत्र गायन करी ||

(श्री)फळ पुजुनी ठेवी तुझ्या चरणी

(ग)रिब तुझे भक्त नेहमी तुलाच रे स्मरणी ||

स(ण) हा भाद्रपद शुक्ल चतुर्थी, आहे खूपच मंगलदायी

(रा)स दुर्वा-शमी पत्रांची, वाहित असे तुझिया पायी ||

(या)वेस तु घरा, होवून जावे मखरी स्थित

(आ)वाहन करतो ते स्वीकारावे समजून भक्तीमय ही प्रीत ||

(धी)र मिळतो जीवा घेता नाम तुझे मुखी

(वं)दन करिता तुजला सर्व जन होती सुखी ||

(दु):खहर्ता तू विघ्ने सारी हारी

(तु)ज विण बाप्पा आम्हा कोण तारी ||

(ज)ल्लोष नामघोषा चा तुझ्या करी तृप्त हे कर्ण

(मो)दक गुळ-खोबऱ्याचा करी, नैवेद्य तुझा परिपूर्ण ||

(र)मते मन हे ऐकण्यात तुझि लीला

(या) मनी भक्ती राहावी, हेच साकडे तुला