गांधारी

कोण म्हणते मी गांधारी 

फक्त महाभारतातच आहे

प्रत्येक स्त्री च्या आजूबाजूला

गांधारीचेच अस्तित्व आहे

अंधत्व पाहून पतीचे

तिने स्वतःला पट्टी बांधली

पण डोळे झाकून ठेवले म्हणून 

अंधाराचे जाळे नाही मिटले 

आजूबाजूच्या अंधाराला

गांधारींच्या अस्तित्वाची चाहूल लागते आहे

पिढ्यान पिढ्या दडपते स्त्रीला

जखडून बंदिस्त करते

तेव्हा एखादी तेजस्विनी

गांधारीची भूमिका धिक्कारते

तू झालीस गांधारी 

पुराण परंपरावादीही तुच हो!

मी मात्र बाजूला टाकते गांधारीला 

स्वतःचा शोध मीच घेते 

माझे जीवन मलाच जगायचे आहे

ह्या वास्तवाचे भान मी ठेवते

रूढीने पट्टी बांधली तरी 

तिचं पारदर्शकत्व मीच ठरवते

गांधारीला अंधत्व देण्यापेक्षा 

धृतराष्ट्राचे डोळेच मी बनते