एका पावसाने...

एका पावसाने

गेल्या पावसाची

जाणून आठवण केली

त्या ओल्या दिवसाची

एका मोकाट सरीने

एका लाजऱ्या सरीस 

कोसळताना उगाच

का धरले वेठीस

एका वाऱ्याच्या वेगाने

दुसऱ्या वाऱ्याच्या वेगास

हाती हात घेत नेले

गराठ्याच्या भरास

एका दरिने लोटले

धुके दुसऱ्या दरीत

अशी निभावली तिने

पावसाची ओली रीत

एका ओल्या सांजवेळी

तिन्ही सांजा ओलावल्या

त्यांनी हसून काही

पुन्हा सरी बोलवल्या

असाच एक श्रावण

गेल्या श्रावणाशी बोलला

या वर्षीचा पाऊस

गेल्या पावसाहून खुलला...