देवी महागौरी

रूप ते नवरात्रात

महागौरी भुजा चार

शांत स्वभावाची माता

रंग गोरा असे फार

करण्यासाठीच प्राप्त

भगवान शंकराला

केली तपस्या कठोर

संकल्पच होता केला

तपस्याच कठोर ती

काळे शरीर पडले

भगवान शंकराला

तेच नाही आवडले

भगवान शंकर हे

झाले प्रसन्न देवीला

स्नान पवित्र पाण्यात

गंगा माई या नदीला

पूजा स्मरण तिचेच

भक्तांसाठी सुखकारी

तिचे ध्यान करणारे

दूर संकट ती करी

कार्य अशक्य कोणाचे

तिच्यामुळे शक्य होई

पाप, संताप, दुःख ते

दूर पळूनच जाई

वय आठ वर्ष तिचे

असे मानलेच जाते

श्वेत वस्त्र तिचे असे

पुण्य फळ तीच देते