बळीराजा
बळीराजा
1 min
130
कष्ट करीतो उन्हात
काळ्या मातीत राबतो
बळीराजा तू माझा रं
आत्महत्या का करितो
काळ्या मातीत फुटतो
त्याच्या कष्टाचा अंकुर
रान फुलवितो सारं
मनगटी बळावर
तेव्हा तुझ्या चेहऱ्याला
साज घामाचा चढतो
जरी मातीच्या या भिंती
त्यात मायेची हो ऊब
कष्टकरी बळीराजा
त्याची किमया हो खुब
बीज पेरून आनंदी
जसं सोनं पिकवितो
ओला पडला दुष्काळ
होई पिकांवर हानी
कधी काळी पाहिलेल्या
फिरे स्वप्नांवर पाणी
लेणं कुंकुवाचं माझं
धनी सुखात राहो दे
संकटाला वैतागुन
फास घेई गळ्याशी
पडे उघडा संसार
पोरं लेकरं उपाशी
तुझ्या नंतर जगणं
आत्मा देहात नसतो
तूच जगाचा पोशिंदा
साऱ्या जगाला पोसतो
बळीराजा तू माझा रं
आत्महत्या का करितो