बहीण माझी लाडकी

संस्कृती धरोहरा 

रक्षाबंधन सण साजिरा 

बहीण माझी लाडकी

मी बंधू तिचा गोजिरा

दीदी माझी परीसारखी 

जणू दिसे रुपगर्विता 

माझ्या आयुष्यात आहे 

ती सर्वे सर्वथा

स्वभावाने असे मायाळू 

भूतदये ती कनवाळू 

साऱ्यांशी वागे स्नेहपूर्ण 

अंतर्मनी बहु दयाळू

जाताना नांदाया सासरी 

अश्रूंना केली वाट मोकळी 

सुखभरल्या आयुष्यी

परि नित्य असेल पोकळी

बहिणाई माझी लाखात एक

दृष्ट न लागो कोणाची 

नित्य तया सौख्य लाभो 

ईश्वरास आस एका भावाची