भीम तत्वाची भाषा

भाषा करती पहा भिमाच्या तत्त्वाची

 स्तुती करती तोंडभरूनी वैऱ्याची !!धृ!!

 गल्लोगल्ली झाले हे सारे लीडर

 भीम लेकराची नाही हो यांना कदर 

समाज सोडून संगत धरी परक्यांची !!१!!

 आज विसरले आहे ते समाजाला

 उद्या विसरती आपुल्या आई बापाला 

नाही मोल यांना स्वतःच्या अब्रूची !!२!!

 भाऊ भावाचे वैरी ते झाले इथे

 बंधुभावाचे विसरले पहा नाते

 स्वार्थापायी ना पर्वा, यांना कुणाची !!३!!

अशा स्वार्थी पुढाऱ्यांना, शिकू धडा 

नरेश घेऊनी हाती तो झेंडा निळा

 जान ठेवुनी भिमाच्या उपकाराची !!४!!