भैरवी

गाभाऱ्यातल्या दिव्याला काय सांगू

चंद्राळलेल्या त्या स्वरांना काय सांगू

ऐकू दे ना तुझे ते मधाळ गाणे

सूर ते भैरवीचे अन् गा तराणे

मारव्याचा त्या स्वरांना काय सांगू

झापटीला बदलले आकाश सारे

मालवले गोजिरे सारेच तारे

चांदनीस त्या आभाळी काय सांगू

घेतली तान छेदले ब्रह्मांड सारे

वाटते तरी तुला थोतांड सारे

माझ्या मनाला मी अता काय सांगू 

जाऊ दे तो सूर्य आता गार झाला

भावनांचा होऊ दे गोपाल काला

बिलगलेल्या राधेला काय सांगू