बाप
बाप
1 min
226
एका बापाची ही व्यथा
सांगते त्याची ही काया
कळेल ते काय सांगा
बाप संसाराची माया... //१//
ऊन पावसात राबे
कण कण ते जोडून
लेकरांना बाप देई
सुख सागरा लोटून... //२//
दुःख डोंगर घेऊन
सतत ते चालतात
आपल्याला आंनदी
वाटेवर वळवितात.... //३//
प्रत्येकाच्या लिहीण्यात
आई हा शब्द असतो
आपल्याला घडविणाऱ्या
बापाचा उल्लेख नसतो... //४//
दोन घास भरविणारी
आई नक्कीच आठवावे
ती शिदोरी घरात आणणारे
बाबा का ते विसरावे.... //५//
बाप असतो उभा
काळजीच्या त्या दारी
बापामुळे समजते
खरी ती दुनियादारी.... //६//
बाप लावी वेडा जीव
पोरीला ठेवी प्रेमानं
काळीज काढून देई
करूनी कन्यादानं.... //७//
अडचणीच्या समोरी
बाप असतो सहारा
घेई आवरून वेळी
संसाराचा तो पसारा... //८//