आरक्षण
आरक्षण
1 min
659
विठ्ठलाच्या पंढरीत
रांगेमध्ये उभे जन
त्यात कुणी म्हणे देवा
आम्हा हवे आरक्षण.
दलितांची रांग देवा
कर आता वेगळी रे
भटक्यांची दुसऱ्यात
उभी कर सगळी रे
रांगेविना भट सांग
आत कसे गेले सारे
मराठ्यांनी कुठे काय
सांग घोडे मारले रे.
परंपरा थोर जरी
कुळ जरी आहे थोर
आता वाटे जग सारे
झाले आहे शिरजोर.
देव म्हणे भक्ता सांग
मला कुठे आरक्षण
कृष्णा हाती होते जरी
मला कुठे सुदर्शन.
स्वर्गामधे सांग मला
कधी कुठे पाहिले रे
दीन दुबळ्यांचे दुःख
मीच सारे साहिले रे.
आरक्षण मिळालेला
कोण सांग झाला मोठा
भीक नको मागू कधी
कर्तृत्वाच्या शोध वाटा.