आई

आई तू माझी सावली

परी आता उरले शब्दची जवळी

तरीही असतेस सदा तू जवळी होतीस

अन राहशीलही निरंतर जवळी

वाटे अजूनही बोलू कितीतरी

परी दिसते प्रतिमा तूझी                    

अन कळते की हा केवळ भासची

तरीही असतेस सदा तू जवळी

होते व्याकूळ आठवणीनी

झरती अश्रू मग नयनामधुनि

झाली आहे पोकळी निरंतर

परी त्याला आता नाही उत्तर

प्रश्नची उरले सारे आता

निघुनी गेलीस तूही सत्वरी

आता जपणे आठवणींना

हाची आहे एक विसावा

सल जो आहे मनीमानसी

तोही कायम माझ्याजवळी

असतेस सदा तू जवळी

होतीस सदा अन राहशीलही निरंतर