ವಚನ ಸಿಂಚನ
ವಚನ ಸಿಂಚನ
1 min
3.0K
ಗುಳೆ ಹೋಗುವ ಮನಕೆ ನಿಂತಿದ್ದು ಆದುದೇನು ?
ಹಾರದ ಹಕ್ಕಿಗೆ ಪುಕ್ಕವಿದ್ದು ಆದುದೇನು ?
ಹೊಳೆಯದಾ ವಜ್ರಕ್ಕೆ ಬೆಲೆಕಟ್ಟಿ ಆದುದೇನು ?
ಖುಷಿಯ ಮನವಿದ್ದರೆ ಚಿಂತೆಯಿಂದ ಆದುದೇನು ?
ಎಲ್ಲ ಮರೆಸಿ ಖುಷಿಯ ಕೊಡುವೆಯಾ ಆಧುನಿಕ ಪ್ರಭುವೇ ?! ||1||
ಕರಗಿದಾ ಮನದಮೇಲೆ ಕೋಪವೇಕೆ
ಕೋಪದಾ ಮನದಮೇಲೆ ಕರುಣೆಯೇಕೆ
ಕರುಣೆಯ ಕರಾರು ಕ್ಷಣಿಕ ಮಾತ್ರ
ಕೋಲಾಹಲ ಕೂಡುವುದು ಕರಗತ
ಕಾರುಣ್ಯರನು ಕೂಡಿಸು ಆಧುನಿಕ ಪ್ರಭುವೇ! || 2 ||
ಹೊರೆಟಿಹೆನು ಹಾಗೆ ಹೊಂಬಣ್ಣದ ಹಂಗಿನಲಿ
ಹೊಂಗನಸ ಹಾಸು ಹಾಸಿ ಹೊರಳಾಡಲು
ಹುಡುಕಾಡಿದೆ ಹೂವಿನಲಿ ಹೊಂಬಣ್ಣವ
ಹಸಿರ ಹಡಗ ಹರಿದು ಹುಡುಕಿದೆ
ಹುರುಪ ಹುಳಿಯಲಿ ಹಾರಾಡಿ ಹುಡುಕಿದೆ
ಹುಡುಕಿದೆ ಹೊಂಬಣ್ಣವ ಹರಿಯುವ ಹೊಳೆಯಲಿ
ಜೀವನದ ಹೊಂಬಣ್ಣ ಸಿಕ್ಕೀತೇ ಆಧುನಿಕ ಪ್ರಭುವೇ ? || 3 ||