વિનંતી

વિનંતી છે, મારી આ પ્રકૃતિને 

શું ના બદલી શકે એની પ્રકૃતિને,

રાત પડે ને સવાર, બપોર પછીને સાંજ 

ક્રમ આ છે જે કાળ ક્રમેથી ચાલ્યા કરે,

આમાં સાંજ પડે અને સાંજ પછી રાત, એ ક્રમ તો ઠીક દરેક વાર,  

પણ શું રાત પડે, પછી પડે સીધી બપોર અને પછી પડે સવાર ?

જો થાય શક્ય આમ તો, રાત પછી ના છ થી,

થશે શરુ બપોર,ને દસ વાગ્યાથી શીતલ સવાર,

શક્ય થશે જો આ તો, મોડો ઊઠનાર યુવાન આપણો 

ઊઠે દશે તો યે ચાલશે ને માણશે સવારનો મધુર આસ્વાદ,

માણશે એ સૂર્યની નમ્રતા ને પ્રકૃતિની સુંદરતા 

સવારની શીતળતા ને ઝાકળનો અહેસાસ,

પક્ષીનો કલરવ ને પતંગિયાનો પમરાટ 

ફૂલોનું ખીલવું ને ભમરાનું ગુંજવું,

માણશે યુવાનો, યુવાનીમાં જ સઘળું આ 

નહિ જોવી પડે યુવાને, વૃદ્ધત્વની રાહ,

જો શક્ય જ નથી આતો, વિનંતી છે ગામડિયાની આ સુંદર યુવાનોને, 

શું ના બદલી શકે એમની ઊઠવાની આ પ્રકૃતિને, માણવા આ સુંદર પ્રકૃતિને.