ટકટક
ટકટક
1 min
321
આખો દિવસ ટકટક ટકટક ચાલે છે,
જાણે ઘડિયાળ ટકટક કરતી હોય છે.
બાળપણમાં માતાપિતાની હુંફની શિખામણ,
ઘડપણમાં બાળકોની કાળજીની શિખામણ.
આ વિસામણમાં બધું છોડી ઉડવું છે,
પરવશ આંસુઓની ધારા વહી જાય છે.
ભાવના કેટલું સમજાવું મનને ક્યાં સમજે છે !
એ ટકટક જાણે બંધન બનીને સતત ડંખે છે.
બાળપણ, યુવાની ને ઘડપણ, ટકટકમાં ગયું છે,
બહુ દૂર દૂર દેશાવરમાં ઉડીને જતું રહેવું છે.
આ શારિરીક માનસિક પીડાઓ સહન કરી,
હવે તો બધું જ છોડવા મન તરફડિયાં કરી.