સ્વાતંત્ર્ય સેનાની

વંદન કરીએ ભારતમાતા,

વંદન તેને શહીદ થયા'તા,

યાદ એમની સદા રહેવાની,

ધન્ય એ સ્વાતંત્ર્ય સેનાની,

દેશપ્રેમની ધૂણી ધખાવી,

ગુલામીથી મુક્તિ અપાવી,

કીધી ના કદી પાછી પાની,

ધન્ય એ સ્વાતંત્ર્ય સેનાની,

વેઠી જેલ અને લોહી વહાવ્યા,

એકતા અને સંગઠનો રચાયા,

આઝાદી તણો દીપ જલાવી,

ધન્ય એ સ્વાતંત્ર્ય સેનાની,

અન્ય ઉગ્ર લડતો ચલાવી,

ગાંધી કેરો માર્ગ અપનાવી,

ભારતમાતાની વારે આવી,

ધન્ય એ સ્વાતંત્ર્ય સેનાની,

આઝાદીની રક્ષા કરીશું,

શત્રુઓ સામે બાથ ભીડીશું,

તિરંગો ઊંચો લહેરાવી,

ધન્ય એ સ્વાતંત્ર્ય સેનાની,

વંદન કરીએ ભારતમાતા.