સ્ત્રી સંવેદના

મારે પણ જોઈએ એકલતા આજ

રોજ જીવું હું સહુને કાજ

એક દી તો માંગુ આજ મારે કાજ

નથી જોતી હું સવાર- સાંજ 

નિભાવું છું એ નિરંતર કાજ

ક્યાં ગઈ ? મારી એ સૂરીલી સવાર

ને ક્યાં ગઈ એ શમણાંની સાંજ?

શોધ્યા કરું એ સપનાની રાત

ક્યાં ખોવાયો એ સખીનો સાદ

મારે પણ જોઇએ એકલતા આજ

મારે તો કરવી મનની વાત,

હૈયાના તો હવે નથી રહ્યા હાલ,

મન પણ ક્યાં માને આજ

એ પણ ભટકે આ ભટકતી ભોમ સાથ,

ભૂલ્યો છે એ પણ એના મનની વાત

કે એના પણ જોડાયા તાર આ દિલને સાથ 

બસ થાકી છું આ દયાવિહીન દુનિયાથી આજ, 

એટલે તો માંગુ હવે એકલતા આજ

સેંકડો સહન કર્યા સંસારના સવાલ

પણ ના ઊંચક્યો મે મારો સુર, 

સધળું સમજાયું આ સહનશકિતને અંત

સંસાર તો થયો સ્વાર્થીને સંગ 

સુખ, સંપત્તિ ને સમૃદ્ધિ તો સમંદર જેટલી સામે આજ

પણ દીધી છે હવે એ સમયની વાટ

કે ક્યારે ? કોઈ પૂછે કે તું કેમ છે આજ ?

એટલે તો કહું છું મારે પણ જોઈએ એકલતા આજ