સિંદૂરિયા થાપા

ઓસરીની આ દિવાલમાં

પડેલા એ સિંદૂરિયા થાપા જોઇને આજ પણ,

યાદ આવી જાયછે બેની એ લગ્ન તારા..!

આંગણીયે બાંધેલ એ તોરણીયા ને વળી

કર્ણે શરણાઇ કેરા સૂર ગુંજેછે ને આજ પણ,

યાદ આવી જાયછે બેની એ લગ્ન તારા..!

માનતું નથી મને આજ પણ મારૂ 

વિત્યા કેટલાય વર્ષો ને છતા વર્તાય 

પગરવ આંગણીયે તારો,

યાદ આવી જાયછે બેની એ લગ્ન તારા..!

દિકરી વ્હાલ નો દરીયો કહેવાય છે,

વિદાય એથી જ ક્યા સહેવાયછે " ભગી "

યાદ આવી જાયછે બેની એ લગ્ન તારા..!